Samarbeidsseminar Hallingdal-Alta 13. og 14. oktover 2011

Distriktsmedisinsk nettverksbygging mellom Nord- og Sør- Noreg, mellom klinikk og forsking

Under denne overskifta var 24 deltakarar samla på Ål for å diskutere sjukestovenes plass i framtidas helseteneste, forsking og klinisk arbeid. Også Glesbygdmedicinskt Centrum i Storuman, Vâsterbotten var respresentert og styrka slik faglege band over landegrensene.  Seminaret vart til ein tenketank der klinikarar, forskarar og helseadministrasjon på ulike nivå med utgangspunkt i distriktsmedisinsk  grasroterfaring kunne knytte kontakter og drøfte  erfaringar og aktuelle utviklingsskisser.

Kva gjer at Hallingdal og Alta med ulike føresetnader har utvikla  gode og svært like desentraliserte helsetenester? Kva er framleis skilnaden mellom modellen i Hallingdal og Alta? Kvar røynsler sit vi på, og korleis kan dei gjensidig nyttast til inspirasjon til å  styrke  fagmiljø og  betre helsetenester  i småkommunar ? Korleis kan vi bygge nettverk som gjer at  vi  når den kritiske "minstemasse" som trengs i klinisk forsking og i  helsepolitisk samanheng?  


Kommunehelsetenesta i Alta og  kommune- og spesialisthelsetenesta i Hallingdal  har fleire prosjekt med nye helsetenester og tiltak for fagutvikling og forsking.  Tor Åm, Prosjektdirektør i Helse- og Omsorgsdepartementet peika på rammene for dei nye lokalmedisinske sentra som er eit sentralt element i Samhandlingsreforma. Her er det framleis mykje lause føringar og rom for mange ulike modellar og lokale tilpasningar , på godt vondt vil mange hevde. Åm utfordra Hallingdal og Alta å halde fram som føregangsregionar og skape presedens  for god samhandling og framtidsretta helsetenester .

Seminaret fekk mykje god omtale. Hallingforsk tek med seg erfaringane  og vil arbeide vidare for at nettverksbygging også i framtida vert nytta aktivt for  å styrke  små og sårbare fagmiljø i utkant-Noreg.

Fagleg program: les meir

Presentasjon Prosjektdirektør HOD, Tor Åm: les meir

Presentasjon  Leiar Hallingforsk, Prof. Knut Dalen: les meir

Presentasjon Kommuneoverlege Øystein Lappegard: les meir